«Астана Моторс» жаңа Hyundai Tucson өндірісінің және сатылымының басталуы туралы хабарлайды
«Астана Моторс» құрамындағы Қазақстандағы Hyundai ресми дистрибьюторы жаңа Hyundai Tucson өндірісінің және сатылымының басталуы туралы хабарлайды. Қазақстанның автомобиль нарығының сөзсіз көшбасшысы 2023-2024 жылғы сатылым қорытындысы бойынша рестайлингтік нұсқада шығады. Автокөлік иелеріне жайлылық, қауіпсіздік және көлік жүргізу ләззатын ұсына отырып, әдемілік пен функционалдылықты біріктіреді. Hyundai Tucson-ды заңды түрде халықтық автомобиль деп санауға болады, ол ай сайын ҚР нарығында ұсынылған барлық автомобильдердің арасында сатылым бойынша бірінші орынды алады. Tucson танымалдылығының басты себебі – заманауи қазақстандықтың барлық қажеттіліктеріне жауап беретін әмбебап қалалық кроссовер. Жаңа Tucson Алматыдағы Hyundai Trans Kazakhstan зауытының конвейерінен шығып, Қазақстандағы барлық ресми Hyundai дилерлік орталықтарында сатып алуға қолжетімді.
Hyundai Tucson 2024 жаңалықтары
Жаңартылған экстерьер дизайны: жаңа дизайн алдыңғы оптиканың айқын элементтерімен және асыл тастың қырлылығына ұқсайтын шанақтың бүйірлік панельдерімен «параметрлік динамика» фирмалық стилінде жасалған.
Бампері бұрынғыдан да бруталды көрінеді, алдыңғы және артқы жапсырмаларды байқауға болады. Параметрлік күндізгі жүріс шамдары жаңа пішінге ие болды, жаңартылған Hyundai Tucson дизайнерлері оларды радиатор торына кірістірді.
Түстер палитрасы кеңейтілді, енді Ultimate Red Metallic (қызыл), Pine Green Matte (күңгірт жасыл), Cypress Green (жасыл) және Sailing Blue (көк) реңктері қолжетімді.
Инновациялық жайлылық шешімдері: Қайта ойластырылған интерьер жолда барынша жайлылық пен жеңілдікті қамтамасыз ететін интуитивті түсінікті технологияларды қамтиды. Мысалы, Shift-By-Wire технологиясы бар беріліс қорабының селекторы руль бағанына жылжытылған, бұл көлікті басқаруды одан да эргономикалық етеді. Руль дөңгелегі өзгерді — енді ол үш шабақты пішінге ие. Жаңа дизайнда орталық консоль пайдалы кеңістікті барынша арттыру үшін «қалқымалы» болды. Енді Tucson көп функциялы USB-C порттары бар сымсыз смартфондарға арналған зарядтау құрылғысымен жабдықталған.
Жақсартылған ақпараттық ойын-сауық жүйесі: жаңа қиғаш панорамалық экран Apple CarPlay және Android Auto қолдайтын аспаптар тақтасы мен әрқайсысының диагоналы 12,3 дюймдік орталық дисплейді біріктіреді.
Жаңа Hyundai Tucson-ның жақсартылған салоны премиумды материалдармен әрленген, жаңа эргономикалық орындықтар орнатылған. Айта кету керек, кроссоверде артқы орындықтарды қашықтан бүктеудің ыңғайлы функциясы пайда болды.
Қауіпсіздіктің озық технологиялары: Hyundai Tucson 2024 автокөлігі Hyundai SmartSense қауіпсіздік жүйелерінің озық кешенімен жабдықталған, бұл қиылыстардан өткенде көмек көрсету функциясы бар соқтығысудың алдын алу жүйесі, адаптивті круиздік бақылау, тұрақ радарлары, сондай-ақ қозғалыс жолағында ұстау көмекшісі.
N Line арнайы нұсқасы: Hyundai Tucson спорттық нұсқасы эксклюзивті дизайнға ие болды — радиатор торының ерекше өрнегі, он тоғыз дюймдік жеңіл қорытпалы дөңгелек дискілері, түтіндіктің қосарланған келтеқұбырлары, дөңгелек аркаларындағы шанақ түсіне боялған жапсырмалар, жарқын интерьер дизайны және қызыл тігісі бар күдерімен қапталған орындықтар.
Бағалар мен қолжетімділік: Жаңа Hyundai Tucson 2024 Қазақстан бойынша Hyundai дилерлік орталықтарында қолжетімді. Бағасы жиынтықталым мен опцияларға байланысты 14 290 000 теңгеден басталады.
Толығырақ ақпаратты «Астана Моторс» тәулік бойғы байланыс орталығының 7007 телефоны арқылы білуге болады.