«Астана Моторс» ҚМК бас директоры
Бекнұр Мұратұлы компанияның бас директоры болып тағайындалғанға дейін «Астана Моторс» ҚМК-да 10 жыл еңбек етті. Еңбек жолын қосалқы бөлшектерді сату бөлімінің менеджері қызметінен бастады. Ары қарай қосалқы бөлшектер бөлімінің басшысы, техникалық директор, Hyundai Auto Astana дилерлік орталығының директоры, «Астана Моторс» ҚМК техника жөніндегі басқарушы директоры қызметтеріне тағайындалды.
2007 жылы «есеп және аудит» мамандығы бойынша Қазақстан-Ресей университетін аяқтады.
«Астана Моторс» ҚМК қаржы жөніндегі басқарушы директоры
Руслан Мұхтарұлы 12 жылдан астам уақыт бойы «Астана Групп» құрылымында жұмыс істейді. Мұнда қарапайым маманнан бастап компанияның топ-менеджеріне дейінгі жолды жүріп өтті.
Еңбек жолын девелоперлік бөлімшенің қаржы менеджері қызметінен бастаған ол әр жылдары «Астана Групп» компаниясының қаржы талдаушысы, кредиттік департаменттің директоры болып жұмыс істеген.
2017 жылы Руслан Омаров «Астана-Моторс» Моторлық компаниясы» ЖШС қаржы жөніндегі басқарушы директоры лауазымына тағайындалып, онда ұзақ мерзімді мақсаттар мен даму перспективаларына сүйеніп, компаниялар тобының қаржысын басқару, нарық конъюктурасын ескере отырып, қаржыландыру көздерін анықтау және стратегиялық қаржылық жоспарлау бойынша қойылған міндеттерді орындауға байланысты өзге де жұмыстарды жүзеге асырады.
2009 жылы Т. Рысқұлов атындағы ҚазЭУ «қаржы» мамандығы бойынша бітірді.
«Астана Моторс» дистрибьютерлік желіні дамыту жөніндегі директор
Кит Симмонс автокөлік саласында 30 жыл жұмыс істейді, 2021 жылғы желтоқсанға дейін Toyota Motor Kazakhstan президенті қызметін атқарды, Toyota Financial Services Kazakhstan Бақылау кеңесінің мүшесі болды.
Кит Мэтью Симмонс Ұлыбританиядан шыққан, Плимут университетін бітірген, бизнес бакалавры дәрежесін және маркетинг дипломын алған, сонымен қатар Швейцарияда Лозанна қаласындағы Халықаралық басқаруды дамыту институтын (IMD) бітірген.
Симмонс мырзаның автокөлік саласындағы мансабы 1992 жылы басталды. Ол Jaguar Land Rover, Toyota Motor Europe, Toyota Motor Russia және Toyota Motor Corporation Japan компанияларында басшылық қызметтер атқарды.
2017 жылы Кит Симмонс Toyota Motor Corporation еншілес компаниясы, Toyota және Lexus автокөліктерінің ресми импорттаушысы және дистрибьюторы болып саналатын Toyota Motor Kazakhstan президенті атанды.
Басқарма мүшесі, бизнесті дамыту жөніндегі басқарушы директор
Денис Александрович «Астана Моторс» құрылымында 2011 жылдан бері қызмет етіп келеді. Түрлі жылдары Астана мен Алматыдағы дилерлік орталықтарда директор, «Астана Моторс» дилерлік желісін дамыту жөніндегі басқарушы директор, Қазақстандағы Hyundai дистрибуциясы директоры лауазымдарын иеленді.
2023 жылғы тамыз айынан – «Астана Моторс» басқарма мүшесі және корей автобрендтері бизнесін дамыту жөніндегі директор.
«Астана Моторс» ҚМК мемлекеттік реттеу жөніндегі басқарушы директоры
Мемлекеттік реттеу, мемлекеттік және квазимемлекеттік ұйымдарға автомобильдер сатуды ілгерілету мәселелері бойынша бағыттарға, сондай-ақ корпоративтік мәмілелерге жетекшілік етеді. Жеке қаржы құрылымдарында, сондай-ақ мемлекеттік кәсіпорындарда жұмыс тәжірибесі бар. Микрокредиттік ұйымның басшысы, шетелдік компанияда басқарушы директор болып қызмет атқарып, ҚР ПІБ «Бүркіт» МӘК» РМК-да маманнан қызмет бастығына дейінгі сатылардан өтті.
«Болашақ» бағдарламасының «Экономика және халықаралық қатынастар» мамандығы бойынша түлегі (Ұлыбритания).
«Астана Моторс» ҚМК бизнесті дамыту жөніндегі басқарушы директор
Анарбаев Ақылбек Мүталұлы өзінің тағайындалуына дейін «Астана Моторс» ҚМК-да 16 жыл басқарушы директор болып жұмыс істеді.
Мансабын маркетинг жөніндегі менеджер лауазымынан бастады.
Кейін Subaru Kazakhstan дистрибуциясының маркетинг жөніндегі басшысы, директордың орынбасары, директоры және Haval Motor Kazakhstan дистрибуциясының директоры болды.
«Астана Моторс» ҚМК маркалы портфеліне кірген қытайлық әріптестермен табысты келіссөздер жүргізді.
Білімі: 2004 жылы Абай атындағы Алматы мемлекеттік университетін «Халықаралық құқық» мамандығы бойынша тәмамдаған.
Дилерлік желіні дамыту жөніндегі директор
Дархан Алтынбекович «Астана Моторс» ҚМК компаниясындағы мансабын 2016 жылы жаңа автокөліктерді сату жөніндегі кеңесші лауазымынан бастады. Содан кейін жаңа автокөліктерді сату жөніндегі аға кеңесші, сату департаментінің директоры лауазымдарына тағайындалған, «Бавария Астана» және «Тойота Центр Астана» дилерлік орталықтарының директоры болған.
2023 жылдың 20 ақпанынан бастап «Астана Моторс» дилерлік желісін дамыту жөніндегі директор лауазымына тағайындалды.
«Астана Моторс» ҚМК жол жүрген автомобильдерді сатуды дамыту жөніндегі директоры
Жол жүрген автомобильдер бөлімшесіне жетекшілік етеді. Компаниядағы еңбек жолын 2014 жылдан бастап, «Астана Моторс» компаниясының түрлі департаменттерінде, сондай-ақ «Hyundai Auto Kazakhstan» және «Hyundai Com Trans Kazakhstan» компанияларында жұмыс істеген. «ERG» («ENRC») «Еуразиялық Топ» халықаралық корпорациясының логистика саласында жұмыс тәжірибесі болды.
2008-2010 жылдары Канадада оқыған. Columbia College бітірген. Сонымен қатар Тұран университетінің экономика факультетін тәмамдаған.
«Астана Моторс» ҚМК кадрлық іс жүргізу департаментінің директоры.
«Астана Моторс» Қазақ моторлы компаниясының кадрлық іс жүргізу департаментінің басқару бағытына жетекшілік етеді. Ірі халықаралық компанияларда да, квазимемлекеттік сектор компанияларында да, қазақстандық компанияларда да қызметкерлерді басқару саласындағы тәжірибесі мол. Екі жоғары білімі бар.
1995 жылы Қазақ Мемлекеттік әлем тілдері университетін «шет тілдер оқытушысы» мамандығы бойынша бітірген.
1999 жылы Қазақ Мемлекеттік Заң Университетін «құқықтану» мамандығы бойынша тәмамдаған.
Маркетинг жөніндегі директор
Компанияның маркетинг бөлімшесіне және байланыс орталығына жетекшілік етеді. Қазақстандық және ірі халықаралық компаниялардың сату бөлімінде және маркетингінде, соның ішінде Орта Азия және Кавказ өңірі бойынша Мәскеудегі жауапкершілік аймағында көп жылдық тәжірибеге ие. Екі жоғары білімі бар.
2003 жылы «Шет тілі пәнінің мұғалімі» мамандығы бойынша Павлодар мемлекеттік университетін бітірген.
2006 жылы «Экономика» мамандығы бойынша Инновациялық Еуразия университетін бітірген.
«Астана Моторс» ҚМК қаржы департаментінің жетекшісі
Компаниядағы еңбек жолын 2011 жылы бастап, әр жылдары «Астана Моторс» ҚМК-ның функционалдық басқаруына кіретін «Astana Motors Premium», «Auto Center Astana Motor» компанияларында қаржы директоры қызметін атқарды. 2016 жылы Басқарушы компанияға Қаржы департаментінің жетекшісі қызметіне ауысып, онда қаржы қызметін басқару және үйлестірумен айналысады.
2010 жылы Financial Management мамандығы бойынша KIMEP University бітіріп, сондай-ақ іскерлік әкімшілік магистрі дәрежесіне ие.
"Астана-Моторс" ҚМК құрылыс жөніндегі басқарушы директоры
Алексей Владимировичтің автосауда саласында үлкен тәжірибесі бар. "Астана Моторс" құрылымында 2014 жылдан бастап жұмыс істейді, HYUNDAI дилерлік орталықтарында филиал директоры және техникалық директор лауазымдарын қоса алғанда, түрлі лауазымдарды атқарды. 2021 жылғы мамырдан 2023 жылғы қаңтарға дейін My car Almaty директоры болды, 2023 жылғы қаңтардан бастап Mycar Raiymbek және Chery Almaty директоры болып тағайындалды. 2024 жылғы 16 мамырдан бастап "Астана-Моторс" ҚМК құрылыс жөніндегі басқарушы директоры қызметіне кірісті.
2007 жылы Е.А. Бөкетов атындағы Қарағанды мемлекеттік университетін, "Техника және технология" факультетін, "Көлік, көлік техникасы және технологиясы" мамандығы бойынша, сондай-ақ "АВШУ Аспандау" басқару академиясын бітіріп, 2018 жылы Master of Organization Administration дәрежесін алды.
