ASTANA GROUP COVID-19 ҚАРСЫ КҮРЕСУ ҮШІН 100 МИЛЛИОН ТЕҢГЕНІҢ ЖАБДЫҚТАРЫН САТЫП АЛДЫ
Сәуір айында Astana Group компаниясы коронавирустық инфекцияның таралуымен күресу үшін 100 миллион теңгенің жабдықтарын сатып алды. 17 заманауи стационарлық интеллектуалды жылубейнелегіш құралдар (тепловизор) Нұр-Сұлтан (6 дана), Алматы (6 дана), Шымкент (3 дана), Қарағанды (2 дана) қалаларына берілді. Олардың қайда орнатылатындығын жергілікті атқарушы органдар анықтайды.
"Біздің өміріміз уақытша күрт өзгерді, бұған түсіністікпен қарау керек. Бұл күндері бизнестің рөлі мен жауапкершілігі артты. Біз қиын кезде барлығын жауапкершілікпен әрекет етуге шақырамыз. Вирус жағдайға жылдам әрекет етуді үйретті. Компаниялар өз кәсіпорындарында ауқымды қауіпсіздік шараларын енгізіп ғана қоймай, елге көмектесуді өзіміздің міндетіміз деп санаймыз", - дейді ASTANA GROUP президенті Нұрлан Смағұлов.
Құрылғылар қауіпсіздік жүйелерін өндіру мен жеткізуде әлемдік көшбасшы Dahua Technology (Қытай) компаниясымен жобаланып, шығарылған. Dahua компаниясы жылубейнелегіштер мен дене температурасын қолдана отрып заманауи шешім ойлап тапты, бұл құралдар адамның басының температурасын, тіпті бас киіммен де өлшеуге болады және дене температурасын нақты анықтайды.
Температураны автоматты түрде, адамдардың денесіне жанаспай, жүріп келе жатқанда өлшеуге мүмкіндік береді. Аталмыш құралдар бүкіл әлем бойынша әуежайлар, сауда орталықтары, метролар, теміржол вокзалдары, банктер және басқада адамдар көп жиналатын жерлерде орнатылған.
Dahua жылубейнелегіштерінің артықшылықтары:
- жоғары дәлдік (температураны өлшеу қателігі тек + \ - 0,2 - 0,3 градус, бір мезгілде 30 адамның температурасын өлшеуге мүмкіндік береді);
- тиімділік (ертерек ескертудің автоматты механизмі, қызметкерлердің еңбегін азайтады және жұқтыру қаупін сейілтеді);
- қолдануға икемді (үлкен және кішігірім мекемелер үшін).