АЛМАТЫДА HYUNDAI ЖЕҢІЛ ТЕХНИКАСЫН ШЫҒАРАТЫН ЗАУЫТ ҚҰРЫЛЫСЫНЫҢ АЛҒАШҚЫ ТАСЫ ҚОЙЫЛДЫ
22/04/2019
Корея Президенті Мун Джэиннің Алматыға келуіне орай, болашақ Hyundai Trans Kazakhstan зауытының іргетасына алғашқы тасты қою салтанаты өтті.
Корея Президенті Мун Джэиннің Алматыға келуіне орай, болашақ Hyundai Trans Kazakhstan зауытының іргетасына алғашқы тасты қою салтанаты өтті.
Алғашқы тасты қоюдың салтанатты рәсімі Hyundai жеңіл техникаларын шығаратын зауытта өтті. "Астана Моторс" компаниясы зауытты Қазақстан Республикасы Индустрия және инфрақұрылымдық даму министрлігінің қолдауымен Алматы қаласының индустриялық аймағында салатын болады.
Кәсіпорынның қуаты бірінші кезеңде 30 мың автомобильді құрайды, ал екіншіде – жылына 45 мыңға артады. Бұл қазақстандық нарықты Hyundai маркалы сапалы әрі бағасы жағынан қолжетімді жеңіл автомобильдермен толықтырып, сондай-ақ оларды ТМД елдеріне экспорттауға мүмкіндік береді. Жоба инвестициясының жалпы көлемі 25 миллиард теңгені құрайды. Жеке қаражатпен бірге коммерциялық негіздегі қарызға алынған қаражат та жұмылдырылады. Зауытты ашу 700-ге жуық жаңа жұмыс орнын ашуға мүмкіндік береді. Жұмыс орнының құны 32,5 млн теңгені құрайды.
Зауыттың құрамына дәнекерлеу цехы, бояу цехы, құрастыру цехы, пластик панельдерді шығару цехы мен сапаны бақылау бөлімі кіреді. Зауыт Оңтүстік Корея және Жапония елдерінде өндірілген жаңа технологиялық құралдармен жабдықталатын болады. Зауытта Hyundai брендінің барлық сәндік үлгілері құрастырылмақ. Бірінші кезеңде Hyundai желісі жеңіл модельдерінің бірінің толық циклін өндіру қолға алынады, кейінірек Creta модельдерін шығару бойынша желі іске қосылады деп жоспарлануда.
ЕЭО елдерімен серіктестік және өнеркәсіптік кооперация арқасында құрастыру локализациясы 50%-ға жетеді. Алдағы уақытта автобөлшектерді шығаратын зауыт тұрғызу қолға алынады, ол Қазақстандағы локализация деңгейін арттыруға мүмкіндік береді.
Алғашқы автомобиль конвейерден 2020 жылы шығады.
22/04/2019
Басқа жаңалықтар
28/09/2026
Қазақстанда өндірілген жаңа JAECOO J5 және J7 PHEV модельдерінің сатылымы басталады
Astana Motors құрамындағы OMODA және JAECOO брендтерінің ресми дистрибьюторы екі жаңа моделінің бағасын жариялады. Ықшам JAECOO J5 кроссоверінің бағасы 9 490 000 теңгені, ал JAECOO J7 PHEV қосылатын гибридінің бағасы 12 790 000 теңгені құрайды. Екі модель де ең жоғарғы жинақтамада ұсынылады. Көрсетілген мерзімдердің қайсысы бұрын жетуіне байланысты автокөліктерге 5 жыл немесе 150 000 км кепілдік беріледі.
15/09/2026
Қазақстан Кореямен автоөнеркәсіп және өнер саласында ынтымақтастықты нығайтуда
Astana Motors компаниясы мен Нұрлан Смағұлов негізін қалаған Almaty Museum of Arts музейі Сеулде кореялық серіктестермен ынтымақтастық туралы келісімдерге қол жеткізді.Құжаттарға Қазақстан Республикасының Президенті Қасым-Жомарт Тоқаевтың Корея Республикасына сапары барысында, Сеуілде өткен «Орталық Азия - Корея Республикасы» бірінші саммиті аясында қол қойылды.
11/09/2026
Төрт секунд тұғыр тағдырын шешті: Changan Race Almaty қалай өтті
Сокол автодромында жеті елден 167 велошабандоз бас қосты. Негізгі тартыс Elite Men санатында өрбіп, үшінші орынның тағдырын бонустық секундтар мен мәредегі секундтың үлестері шешті.