КҮЗДЕ АЛМАТЫДАҒЫ ВЕЛОТРЕК ҚОЛДАНЫСҚА БЕРІЛЕДІ
02/06/2021
Алматы қаласында орналасқан орталық саябақтағы велотрек қайта қалпына келтірілуде. Қазақстанның велосипед спорты федерациясының бастамасымен құрылысқа "Астана Моторс" компаниясы демеушілік етуде.
Алматы қаласында орналасқан орталық саябақтағы велотрек қайта қалпына келтірілуде. Қазақстанның велосипед спорты федерациясының бастамасымен құрылысқа "Астана Моторс" компаниясы демеушілік етуде.
40 жылдық тарихы бар спорт алаңы ұзақ уақыт бойы жұмыс істемей тұрған. Себебі веложолдар ескіріп, спортшылардың жаттығуына ыңғайсыздық тудырған. Сол себепті Федерация қайта жөндеп, осы күзде қолданысқа береді.
1,17 гектар аумақты алып жатқан велотректің жолдары толықтай жаңартылып, ортасында заманауи BMX-саябағы салынады. Жөндеу жұмыстары толықтай аяқталған соң бір уақытта 60-80 жуық кәсіби спортшы үш алаңда жаттыға алады. Айта кетейік мұнда кәсіби спортшылардан бөлек қарапайым қала тұрғындары да спортпен шұғылданса болады.
"- Біз, әсіресе, балалар спорты мен бұқаралық спортқа басымдық беріп отырмыз. Жасөспірімдеріміз көшеде жүрмей, ойын алаңдарында уақыт өткізсе деген ниетіміз бар. Олардың арасында дарынды балалар болуы мүмкін, оларға барлық жағдайды жасап, таланттарының ашылуына мүмкіндік жасағымыз келеді", - дейді Қазақстанның велосипед спорты федерациясының басшысы Нұрлан Смағұлов.
Жөндеу жұмыстарының барысымен Мәдениет және спорт вице-министрі Ерлан Қожағапанов танысып, жас спортшылармен кездесті.Мәдениет және спорт вице-министрі велоспорттың маңызына тоқталып, бұл көп медаль жеңуге мүмкіндік беретін, сондықтан оны дамыту арқылы еліміздің имиджі қалыптасатындығын атап өтті.
«Велотрек әлемдік стандарттарға сай жөнделеді деп жоспарланған, осылайша мұнда тек жаттығып қана қоймай, халықаралық жарыстар өткізе аламыз. Дегенмен, ең бастысы балаларымыздың, кішкентай спортшыларымыздың толыққанды спортпен шұғылдануына мүмкіндік жасау үшін жасылып жатқан дүние», - дейді Ерлан Қожағапанов.
Естеріңізге сала кетейік, Қазақстанның велосипед спорты федерациясы бұқаралық және балалар спортын дамыту бағдарламасы аясында еліміздің барлық аймақтарында 13 саябақ салуды жоспарлап отыр. Бүгінгі таңда Алматы қаласындағы «Халық Арена» кешенінің аумағында BMX-саябағының құрылысы басталды.
02/06/2021
Басқа жаңалықтар
28/09/2026
Қазақстанда өндірілген жаңа JAECOO J5 және J7 PHEV модельдерінің сатылымы басталады
Astana Motors құрамындағы OMODA және JAECOO брендтерінің ресми дистрибьюторы екі жаңа моделінің бағасын жариялады. Ықшам JAECOO J5 кроссоверінің бағасы 9 490 000 теңгені, ал JAECOO J7 PHEV қосылатын гибридінің бағасы 12 790 000 теңгені құрайды. Екі модель де ең жоғарғы жинақтамада ұсынылады. Көрсетілген мерзімдердің қайсысы бұрын жетуіне байланысты автокөліктерге 5 жыл немесе 150 000 км кепілдік беріледі.
15/09/2026
Қазақстан Кореямен автоөнеркәсіп және өнер саласында ынтымақтастықты нығайтуда
Astana Motors компаниясы мен Нұрлан Смағұлов негізін қалаған Almaty Museum of Arts музейі Сеулде кореялық серіктестермен ынтымақтастық туралы келісімдерге қол жеткізді.Құжаттарға Қазақстан Республикасының Президенті Қасым-Жомарт Тоқаевтың Корея Республикасына сапары барысында, Сеуілде өткен «Орталық Азия - Корея Республикасы» бірінші саммиті аясында қол қойылды.
11/09/2026
Төрт секунд тұғыр тағдырын шешті: Changan Race Almaty қалай өтті
Сокол автодромында жеті елден 167 велошабандоз бас қосты. Негізгі тартыс Elite Men санатында өрбіп, үшінші орынның тағдырын бонустық секундтар мен мәредегі секундтың үлестері шешті.