Қытай автокөліктерінің мультибрендті зауыты
Жеңіл автокөліктер
«Астана Моторс» Chery Automobile Company, Changan International Corporation және Great Wall Motor автокөлік концерндерімен 2022 жылдың қыркүйегінде Қазақстанда қытай брендтерінің автокөліктерін өндіру құқығын растайтын меморандумдарға қол қойды.
Мультибрендті зауыт
Зауытқа жоғары технологиялық жабдықты әлемдік көшбасшы Automotive Engineering Corporation жеткізеді –– бұл қытай корпорациясы нарықта 60 жылдан аса істеп келеді және осы уақыт ішінде әлем бойынша 30 мыңнан аса өндірістік жобаны жүзеге асырды.
Мультибрендті зауыттың өндірістік қуаттары – жылына 90 мың бірлік. Автокөліктердің бүкіл көлемін кәсіпорында шанақты дәнекерлеу және бояу болатын шағынторапты әдіспен ғана өндіретін болады. «Астана Моторс» өндірілген көліктердің бүкіл көлемінің 40%-ын отандық нарыққа, ал 60%-ын ТМД елдеріне экспорттауды жоспарлап отыр.
Жаңа кәсіпорын мына брендтердің тоғыз моделін шығаратын болады:
- Chery: Tiggo 2 Pro, Tiggo 4 Pro, Tiggo 7 Pro
- Haval: M6, Jolion, H6
- Changan: Alsvin, CS35, CS55
Мультибрендті зауытта үш мың жұмыс орны пайда болады. Ұжымның негізгі ұйытқысы – инженерлік-техникалық мамандықтардың мамандары жетекші автоконцерндердің тәжірибесін қабылдап, Қазақстанда технологияларды дамытатын болады.